Аҕам саастаахтар күннэринэн ис сүрэхтэн итиитик-истиҥник эҕэрдэлиибит!

Бүгүн алтынньы 1 күнүгэр Быракаан нэһилиэгэр 65 сааһыттан үөһэ аҕам саастаах дьоммутугар, тэрилтэлэринэн "Көмүс күһүн бэлэҕэ" үтүө санаа акция оҥоһулунна. Олохтоох дьаһалта, кулууп, оскуола, балыыһа, маҕаһыын, ЖКХ «Альтернатива» тэрилтэ үлэһиттэрэ ис сүрэхтэн биэрбит бэлэхтэрэ аҕам саастаах дьоммутугар бүгүҥҥү бырааһынньыкка үөрүүнү сахпыта олус долгутуулаах буолла.

Убаастабыллаах ытык дьоммутун Аҕам саастаахтар күннэринэн ис сүрэхтэн итиитик-истиҥник эҕэрдэлиибит! Баҕарабыт чэгиэн доруобуйаны, күүстээх санааны, көхтөөх, уһун олоҕу! Чугас дьоҥҥут тапталлара, истиҥ сыһыаннара санааҕытын өрүү кынаттаатын!