Улуу Кыайыы өрөгөйдөөх 80 сылыгар аналлаах тэрээһиннэр Быракаан нэһилиэгэр саҕаланнылар.

Улуу Кыайыы өрөгөйдөөх 80 сылыгар аналлаах тэрээһиннэр Быракаан нэһилиэгэр саҕаланнылар. Ол курдук тохсунньу 27 күнүттэн Ленинград куорат блокадатын оҕолорго сырдатар аналлаах нэдиэлэнэн тэрээһин Быракаан сүрүн оскуолатыгар Сахая Вячеславовна салайааччылаах презентация көрүүтэ, Ленинград куорат ытык бэлиэлэрин хараҥаччылары кырыйыы , өйдөбүнньүк муннук оҥоруу, ону таһынан нэһилиэкпит культура , библиотека үлэһиттэрэ буолан Ленинград блокадатын туһунан " Блокадный хлеб" документальнай киинэ көрдөрүүтэ бэрт тэрээһиннээхтик барда. Тохсунньу 30 күнүгэр Улуу Кыайыыга аналлаах кинигэ быыстапката, «Махтанабыт... Сүгүрүйэбит... Киэн туттабыт ...» Кыайыы 70 сылыгар аналлаах Быракаан нэһилиэгин Аҕа дойду сэриитин сылларыгар биир дойдулаахтарбыт олорон ааспыт олохторун, хорсун быһыыларын кэпсиир хомуурунньук кинигэ оҕолорго өйдөнөр курдук оонньуу бэрээд эгинэн ыытылынна. Нэһилиэкпит ытык кырдьаҕаһа , сэрии кэмин оҕото Яковлев Егор Герасимович уоттаах сэрииттэн эргиллэн кэлбит биир дойдулаахтарын туһунан истиҥник ахтан сиһилии кэпсээтэ. Оонньоммотох оҕо сааһыттан билиһиннэрдэ, оҕолорго дьоллоох оҕо сааһы баҕаран туран, Улуу Сталин туһунан ырыатын ыллаата. Тэрээһиҥҥэ маны таһынан улахан кылаас о5олоругар городки, алын кылаас о5олоругар коронхолл оонньуу оонньонно, кыайбыт о5олорго бириис олохтонно, ыытыллыбыт тэрээһиҥҥэ учууталлар , кылаас салайааччылара, үөрэнээччилэр бары көхтөөх кыттыыны ыллылар.