Быракааҥҥа саҥа хочуолунай үөрүлээх арыллыыта буолла.
Олунньу 22 күнүгэр, Үөһээ Бүлүү улууһун Быракаан нэһилиэгэр,дьоро күн тосхойдо. Ол курдук ХЭТ олох-дьаһах хаһаайыстыбата «Альтернатива» киин хочуолунай үөрүүлээх арыллыыта буолла. Ититии үлэһиттэригэр итии- истиҥ эҕэрдэ,уруй- айхал этэн туран, "Альтернатива ( ХЭТ ) олох- дьаһах хаһаайыстыба былааҕын күөрэччи таһаардыбыт. Кыһыл лиэнтэни үөрүүлээх быһыыга- майгыга быһан,саҥа хочуолунай аанын тэлэччи астыбыт.Саҥалыы саҥа дьиэҕэ,уруйдаан- айхаллаан,сахалыы сиэри- туому тутуһан, Аал уоппутун оттунан, сирбитин- уоппутун аһатан алгыһынан арчылаата ытык мааны Алгысчыт Трофим Миронов. Хочуолунайбыт символическай күлүүһүн Альтернатива олох- дьаһах хаһаайыстыбатын генеральнай дириэктэрэ Николаев Иннокентий Николаевич олохтоох хочуолунай маастарыгар Анисимов Иван Саввичка ытыс тыаһынан доҕуһуоллатан туттарда. Хочуолунай сиэр- туом кэнниттэн нэһилиэк сынньалаҥ киинигэр ,үөрүүлээх чаас буолла. Ыраахтан- чугастан кэлбит мааны ыҥырыылаах ыалдьыттарбыт ,нэһилиэк олохтоохторо эҕэрдэ бастыҥын , дорҕоонноох тойугу оройуттан өрө туттубут!