Эҕэрдэ күндү учууталларга...

Алтынньы 5 күнүгэр Быракаан нэһилиэгэр учуутал күнүгэр аналлаах төрүт култуура киинигэр, Быракаан сүрүн оскуолатын учууталларыгар аналлаах " Бастыҥ кылаас салайааччыта" күөн- күрэс ыытылынна.
Күрэскэ 8 кылаас салайааччыта кыттыыны ыллылар. Учууталларбыт түбүктээх үлэттэн быыс булан тэрээһиҥҥэ эрдэттэн бэлэмнэнэн ,көхтөөхтүк кытыннылар. Дьүүллүүр Сүбэ быһаарыытынан 5 түһүмэх түмүгүнэн "Бастыҥ кылаас салайааччыта" үрдүк ааты Павлова Галина Рафиковна 6 -с кылаас салайааччыта ылары ситистэ. Күөн- күрэскэ кыттыбыт учууталларбытыгар анал ааттар, бириистэр туттарылыннылар.
Бу дьоро киэһэ учууталларга аналлаах истиҥ махтал тыллара этилиннилэр, ылбаҕай ырыалар ылланнылар. Билиигэ сирдиир , сырдыкка- кэрэҕэ угуйар учууталларбытыгар баҕарабыт, түбүктээх үлэҕит үрдүк түмүктэрдээх буоллун, чэгиэн доруобуйаны, дьоллоох олоҕу баҕарабыт!