Ийэҕэ махтал!

Быракаан нэһилиэгэр алтынньы 15 күнүгэр киэһэ 7 чаастан "Ийэҕэ махтал " нэһилиэк ийэлэригэр аналлаах тэрээһин бэрт сэргэхтик ааста. Ол курдук нэһилиэкпит ийэлэрэ дьоро киэһэ көлүөнэлэринэн бырааһынньыктааҕы сандалы тула мустан көрү-нары оройуттан туттулар. Тэрээһин үөрүүлээх чааһыгар олохтоох дьаһалта нэһилиэк күн - күбэй ийэлэригэр,  Анал ааттары олохтоон , ис сүрэхтэн туттарыллыбыт сэмэй бэлэхтэр бырааһынньыгы олус киэргэттилэр. Ол курдук:

 1. «Уран тарбахтаах ийэ» анал аат- Николаева Марфа Васильевна.

2.« Чөл олоҕу өрө туппут ийэ» анал аат - Николаева Людмила Григорьевна.

3.«Чөл олоҕу өрө туппут ийэ» анал аат - Иванова Аина Васильевна. 

4.«Общественник ийэ » анал аат- Миронова Марианна Егоровна. 

5.«Общественник ийэ» анал аат-Васильева Марина Ивановна. 

6.«Общественник ийэ » анал аат - Никифорова Татьяна Николаевна. 

7. «Иэйии куттаах ийэ» анал аат - Васильева Анна Васильевна.

8.«Оҕуруотчут ийэ» анал аат - Кочнева Алина Владимировна. 

9.«Урбаанньыт ийэ» анал - аат Анисимова Наталья Валерьевна . 

10.«Элбэх оҕолоох ийэ » анал аат- Баянаева Жанна Артуровна.

11. «Автоледи ийэ» анал аат- Борисова Мария Егоровна.

12.«Үлэҕэ ситиһиилээх ийэ»- Осипова Зоя Алексеевна.

13. «Салайааччы ийэ» анал аат - Саввинова Анастасия Валерьевна.

14.«Саха АССР 100 сылыгар төрөөбүт ийэ» анал аат- Кочнева Елизавета Сергеевна.

15.«Саха АССР 100 сылыгар төрөөбүт ийэ» Алексеева Ия Алексеевна.

16. «Саха АССР 100 сылыгар төрөөбүт ийэ» анал аат - Руфова Анджелика Гаврильевна. 

Күн- күбэй ийэлэрбитигэр биир соһуччу бэлэҕинэн ыраахтан чугастан истиҥ илдьит оҕолоруттан эҕэрдэлэри улахан экраҥҥа көрдөрөн ийэлэрбит долгуйдулар,үөрдүлэр.Бу дьоро киэһэ ийэлэрбит көлүөнэлэринэн 10 түһүмэхтээх күрэххэ кыттан , түмүккэ Аҕа көлүөнэ ийэлэрэ 1 миэстэни ылан үөрдүлэр- көттүлэр.2 миэстэни орто көлүөнэ ийэлэрин хамаандата буолла.Хамаандалар бирииһинэн наҕараадаланнылар. Быракаан нэһилиэгин ийэлэрэ өрүү олохтон хаалбат көхтөөхтөр , бу да тыҥааһыннаах балаһыанньаҕа кылгас болдьоххо 32.000 суумма харчыны хомуйан быстах хомуурга  барбыт улууспут уолаттарыгар көмө оҥоһулунна.   Бу күннэргэ  киирбит үбүнэн эмп- томп  атыылыһыллан  улуустааҕы штабка  туттарыллыа. Түгэнинэн туһанан акцияҕа кыттыбыт ийэлэрбитигэр барҕа махтал! Таарыйбыккытын Таҥара тыыннаатын,ылсыбыккыт ыпсан истин, туруорбут соруккут туолан истин!