Саха Өрөспүүбүлүкэтин күнүнэн!!!

Муус устар 27 күнүгэр Быракаан нэһилиэгэр Саха Автономията төрүттэммитэ 101 сылыгар, Саха Өрөспүүбүлүкэтин бырааһынньыгын оҕолуун- уруулуун үөрэ-көтө атаардыбыт. Нэһилиэк төрүт култуура киинигэр "Уруйдан , Сахам сирэ" эҕэрдэ кэнсиэркэ сахалыы сайбаччы таҥнан үөрэ-көтө муһуннубут. Бу дьоро тэрээһиҥҥэ Быракаан нэһилиэгин Ийэ тыл Сүбэтин салайааччыта Васильева Марина Ивановна эҕэрдэ эттэ , Сүбэ былаанын олохтоохторго,оҕолорго билиһиннэрдэ . Алгыстаах алаадьынан,минньигэс бырпаҕынан мустубут бар дьоммутун күндүлээтибит. Ол кэнниттэн нэһилиэкпит ытык кырдьаҕаһа Яковлев Егор Герасимович " Өбүгэ туттар тэрилэ"быыстапканы бэрт интэриэһинэйдик кэпсээн,оҕолор сэҥээриилэрин ылла.Бу дьоро киэһэ оҕолуун-уруулуун сахалыы ыллаан - туойан ,үҥкүүлээн дайдыбыт. Хомус алыптаах дорҕоонугар уйдардыбыт. Саха буолан сандаардыбыт,киһи буолан килбэйдибит!