Улуу Кыайыы 78 сылыгар Быракаан нэһилиэгэр....

Быйыл фашистскай Германияны утары сэриигэ мөлүйүөнүнэн дьон олоҕун толук ууран ситиһиллибит Улуу Кыайыы 78 сылын көрсө Быракаан нэһилиэгэр ,сарсыарда 11 чаастан Кыайыы болуоссатыгар үөрүүлээх миитинэн бырааһынньыгы көрүстүбүт. Бырааһынньыктааҕы миитиҥҥэ тэрилтэлэр үгэс буолбут сэрии кэмин оҕотугар биһиги нэһилиэк ытыктыыр киһибитигэр Яковлев Егор Герасимовичка уонна СВО кыттыылааҕын кэргэнигэр, коллегаларыгар Кривошапкина Елена Никифоровнаҕа соһуччу бэлэхтэри оскуола дириэктэрэ үөрүлээхтик Саввинова Анастасия Валерьевна туттартаата. Маны таһынан Олунньу 23 күнүгэр Е.В.Анеха сырдык кэриэһигэр пневматическай саанан ыттыы күрэҕэр киирбит үбү билигин СВО-ҕа сылдьар Афанасьев Е.Н., Феоктистов А.И. уонна Данилов В.В. дьиэ кэргэттэригэр туттарылынна. Олохтоох дьаһалта аатыттан уонна Төрүт култуура киинин сэмэй бэлэхпитин Чечня сэриитин ветераныгар Кочнев Сергей Федоровичка туттардыбыт. Оҕолор хоһоон хомоҕой тылынан хоһоон этэн чуопчаардылар. "Сиһик " эбээ түмсүү доргуччу хоһоон аахтылар. Бу миитиҥҥэ үөрүүтүн үллэстэн Егор Герасимович кэнчээри ыччаттарга ,дьонугар- сэргэтигэр хомус доҕуһуоллаах Иосиф Виссарионович Сталин туһунан ырыаны бэлэхтээтэ. Ол кэнниттэн сылын аайы ыытыллар «Саллаат хааһыта» акция буолла. Оскуола оҕолоругар аналлаах Военнизированнай эстафета быйыл олус интэриэһинэй түһүмэхтэринэн оҕолору сомоҕолоото. Эстафетаны нэһилиэк дьаһалтатын сүрүн исписийэлииһэ Николаев Никифор Никифорович ыытта. Эстафета кыттыылаахтара грамотанан ,бирииһинэн наҕараадаланнылар. 8 чаастан бырааһынньыктааҕы кэнсиэркэ оҕолуун-уруулуун Улуу Кыайыыны уруйдаатыбыт. Кэнсиэр кэнниттэн " Өйдөбүнньүк чүмэчи" акцияҕа Кыайыы болуоссатыгар мунньустан бырааһынньыктааҕы салютунан түмүктэннэ.